राम रंगाची होळी

राम रंगाची होळी खेळुया सकळ

राम नाम करी मन वाचा ही निर्मळ

रामप्रभूसी जव त्या स्मरिले

दु:ख अवघेचि तयाने हरिले

नाश पावे जे ते सर्व अमंगळ

राम रंगाची होळी खेळुया सकळ

साऱ्या जीवितांचा राम तो कैवारी

रावणासी देखा तो मुक्ति देवुनी वारी

रामनाम ची साक्षात अमृताचे बळ

राम रंगाची होळी खेळुया सकळ

सखा हनुमंत तया शक्ती उपासक

राम रुपी शक्ती अन तो रामाचा सेवक

राम भक्ती चे तेज हे अतर्क्य प्रबळ

राम रंगाची होळी खेळुया सकळ

कवि 'रवि'