आभार

आभाळातलं पाणी 

भूमिवरी आणी

उपकार कर्त्या वाऱ्या 

आम्ही तुझे ऋणी

आभाळातलं पाणी

जेव्हा झुळुझुळु वाहे

लहानगं पोर 

त्याला टुकुटुकु पाहे

आभाळातलं पाणी

जेव्हा शेल भिजविते

धरणीची माझ्या

तेंव्हा कुस उजविते

आभाळातलं पाणी

जेंव्हा पडे अंगावरी 

नवतीची उरी तेंव्हा येई शिरशिरी

आभाळातलं पाणी 

भरी तुडुंब पाटवे

वेड्या मना माझ्या 

नवं गाणं ही आठवे 

आभाळातलं पाणी

पड़ो ऋतु काल माने 

बळीराजा माझा 

जावो भऊन सुखाने

कवि'रवि'