नियंता आणि मी

घनदाट ज्याची साऊली

निष्पर्ण आज झाला

दिवसासवे जैसा 

तेजोमय सूर्यही निमाला 

गूढ अनंताचे कळेना

कां करी ही मस्करी

बनवुनी अद्‌भूत मूर्ति

कां असा लुडवी परी

नितनवे निर्माण करितो 

अन् पुन्हा करितो जुने

तेजात अंधारास भरितो 

वलयांकित पडिती उणे 

विविध अंगी, विविध रंगी

तु तसा आहे खरा

वागतो तू ज्या तऱ्हेने

हा छंद तुजला ना बरा

ही तुझी सृष्टी चिरंतन

तूच तो सर्वज्ञ स्वामी 

तरिहि तव हे वागणे 

समजण्या असमर्थ मी

कवि'रवि'