कुंपण

कशा कशाचं भावतं मनाला कुंपण

विचारांचं

नात्यांचं

भावनांचं

समूहाचं

जातीचं

धर्माचं

प्रांताचं

देशाचं

कुंपणंच कुंपण

आवरणंच आवरणं

दडलेलं मन मग

आर्ततेनं कण्हतं

कुंपणा बाहेरची कुंपणं परंतु

सारखीच असतात बधीर 

त्यांच्याही कण्हण्याचा तरंग 

कुंपणा बाहेर पडत नाही

जीवाची शिवाकडे

सुरू होते वाटचाल

कुंपणाची विण मात्र

सुटता सुटत नाही

कुंपणाची विण मात्र......सुटता सुटत नाही.

कवि 'रवि'