भक्तांचिया साठी बघा उभा जगज्जेठी

भक्तांचिया साठी बघा उभा जगज्जेठी 

चंद्रभागे काठी पंढरीस 

युगे अठ्ठावीस विटेवरी उभा 

वाट पाहे देव जिव्हाळ्याने 

देह भोग सारे विसरून जग 

धावती वैष्णव वारी संगे 

विठ्ठल नाम जप वाजे टाळ नी मृदंग 

संगे आळवती संत माऊलीसी 

वारी पंढरीची जणू मोक्षधाम एक 

ज्ञानियांनी मेख ओळखीली 

'रवि' म्हणे देवा मला एक तुझा ध्यास 

देई मज ठाव चरणांशी 

कवि 'रवि'

आठोळी: आक्रित

झुरळांच्या जोडीला वाघोबा आले 

काय जादू कोण जाणे आक्रितच झाले 

पेंग्विन ची गर्जना घाबरवण्या साठी  

ह्याची परिणीती स्वतःच्या मलीद्या साठी 

काकांच्या वाड्यावर अलगच घाई 

समजत नाही कोण कोणा पळवून नेई 

खोके पेट्या देशभर वणवण फिरताहेत 

संधीच्या शोधात भलेभले झुरताहेत 

कवि 'रवि'

प्रकर्ष

दर्शनास्तव तव आतुर मी गुरुराया 

ठेवुनी तव तो हात मस्तकी दावी उपाया 

चरण स्पर्श मजला की मिळावा 

एकची क्षण तो जणू की विसावा 

शांत करावे विद्ध मनांसी 

आशीर्वच ते देई मजसी 

तू करुणामय तूची त्राता 

चिंता कसली नुरली आता 

झाले दर्शन परिहार जहाला 

अंतरीचा तम भाव निमाला 

सत्वार्थे काया ही झिजावी 

देई इतुके बळ गुरुराया 

दर्शनास्तव तव आतुर मी गुरुराया 

कवि 'रवि' 

आठोळी:- सावळा गोंधळ

भंगेड्याचा भोंगा भांडुपात वाजतोय

चहा बिस्कुट्या तेथे शिव्यांवर हासतोय 

'राज' कारण आताशा बावरल्यागत झालंय 

आपल्याच बर्बादीवर बघा भावी पीयम हासतोय 

रॉहिट ची पोपटपंची जसा शिळ्या कढीला ऊत 

आजोबांच्या बोबड्या बोलांवर थुई थुई नाचतोय 

कधी कोण जाणे ह्यांना होईल उपरती 

शेपूट घाल्यांच्या आरोळ्यांनी महाराष्ट्र गाजतोय 

कवि 'रवि'

परस्पेक्टिव्ह

बघता बघता कमळाच्या कुंडात 

तीनशे साठ झालीत 

बडबोल्यांच्या "कंडाने" 

विरोधी भुईसपाट झालीत 

सोंग्याबोंग्यांच्या कोलांट्या उथळपणाचा कळस 

मी मी म्हणणारी भांडा'रे' पाताळपंथी झालीत 

चलन बंदी च्या वेदनांना नाही कुठली प्लास्टी 

तळघरे-कंटेनर आताशा चलन बाह्य झालीत  

मुंबई म्हणते कितीही घासा मी नाही कुणाच्या बापाची 

माझ्या जीव्हाळ्याची लेकुरे आधीही असंख्य झालीत 

कवि 'रवि'