मनीं मानसी

दिवस रात्र अन सांज सकाळी 

कसा कुठे ही भलत्या वेळी 

विचार एकच...... भेदून 'चक्रा' (विचार चक्र)

विलसतसे ह्या मनीं मानसी ||धृ||

मात पिता ते जन्मा देती 

संगोपन हृदयातून करीती 

चुकता संतती.....दोष तयांचा!

भले झालिया 'श्रेय' देवासी ||१||

गुरू घडवितो जाणून क्षण क्षण 

उणे पुरे ते शिष्याचे 'गुण'

मृत्तिकेतूनी 'हिरा' घडवितो 

परि अंधारी 'स्वत:' ठेविसी ||२||

देवाचे 'आभार' कशास्तव 

सर्व खेळ हा त्याचाची 'जव'

'कष्टसाध्य' ते न मिळविता 

सदा कदा 'उपवास' धरीसी ||३||

कवि 'रवि'