बाबासाहेब भिमराव

युग प्रवर्तका तुला शत शत प्रणाम 

तुझ्या बुद्ध्योत्कर्षाला शत शत प्रणाम

वैचारिक क्रांतिच्या नभांगणातील 

तूही प्रखर चमकता तारा

अभ्युदयार्थ पिडितांच्या 

तू देह झिजविला सारा

समता, न्याय आणि सहजीवन 

तुझ्या आधुनिक युगाचे मंत्र झाले

पेरलेल्या त्या बिजाला 

बघ आज उत्कृष्ठ फळ आले

तुझ्या जिद्दीला प्रणाम, तुझ्या वृत्तीला प्रणाम तुझ्या मानवतेवरच्या श्रद्धेला ही प्रणाम तवपूर्वी जरी बहु निपजले

असतीलही हया धरतीने 

तुझ्या कृतीतून तू निर्मियली 

त्या भारतीय घटनेला ही प्रणाम !!

कवि'रवि'