आकाशातील ताऱ्यांनो

आकाशातील ताऱ्यांनो

तुम्ही साक्ष होतात ह्या सृष्टीच्या सृजनाला

आणि साक्ष होतात

येथे जन्मणाऱ्या प्रत्येक जीवाला तुमच्यामधले तेज कदाचित

तुम्ही अर्पण ही केले असेल तेंव्हा 

काय त्यावेळी तुम्ही समजला होतात

येथील सृजनशीलता कधीतरी 

तुमच्या अस्तित्वालाच हात घालेल 

आणि पृथ्वीच्या पार ही कधी

माणसाची जात पोहचेल

पण बघा तुमच्या कर्माचे फळ 

आज तुम्हालाच वेडावतेय

सृजनातून विध्वंसाची भिती

तुम्हालाही भेडसावतेय

होय हे होणारच

विज्ञानाच्या नियमाने होणारच 

आकाशातील ताऱ्यांनो

आतातरी जागे व्हा 

पुन्हा एकदा ह्या सृष्टीला 

पूर्ववत करा, सृष्टीला पूर्ववत करा

कवि 'रवि'